Alexandra Helga valin ungfrú Ísland
Setja bókamerki
Alexandra Helga Ívarsdóttir, 18 ára úr Grafarvogi í Reykjavík, var í kvöld valin ungfrú Ísland 2008. Ingibjörg Ragnheiður Egilsdóttir, 23 ára Austfirðingur, varð í öðru sæti og Sonja Björk Jónsdóttir, 18 ára úr Svarfaðardal, varð í þriðja sæti.
Alexandra Helga, sem einnig var valin LCN stúlkan, stundar nám við Menntaskólann við Sund. Hún mun taka þátt í keppninni Miss World, sem fer fram í Úkraínu í október.
Ingibjörg Ragnheiður, sem einnig var valin Valensia og Sothys stúlkan, keppir í Miss Universe keppninni í Víetnam í júní.
Hanna Lind Garðarsdóttir var valin ljósmyndafyrirsæta Íslands og vinsælasta stúlkan var Aldís Sif Bjarnhéðinsdóttir. Símastúlkan, sem valin var í símakosningu áhorfenda Skjás eins, var Iðunn Jónasardóttir.
Það vakti athygli, að dómnefnd keppninnar bað um nokkurra mínútna frest þegar tilkynna átti úrslitin á Broadway og því lágu þau ekki fyrir fyrr en um klukkan hálf eitt.
Hraun fór yfir Grindavíkurveg
„Erum í miðri hrinu“: Styttist í Eldvörp
Spara stórfé með olíukaupum ytra
Hraunið náð Njarðvíkuræð: Fylgjast með raflínu
„Má segja að þetta gos hafi þjófstartað“
Litlar líkur á að hraunið nái til mannvirkja
Virknin dregist saman um 600 metra
Hraunið við bílastæði Bláa lónsins