Eivör í stað Emilíönu
Setja bókamerki
Færeyska söngkonan Eivör Pálsdóttir fyllir skarð Emilíönu Torrini á tónleikahátíðinni Bræðslunni sem fram fer í Borgarfirði eystri helgina 25.-27. júlí. Að sögn Kára Sturlusonar tónleikahaldara neyddist Emilíana til að aflýsa tónleikum sínum vegna anna við upptökur á næstu plötu söngkonunnar.
Á hátíðinni koma fram m.a. írska söngvaskáldið Damien Rice og Magni. Bræðslan verður nú haldin í fjórða sinn og hefur vakið mikla lukku undanfarin þrjú ár. Um 1.000 manns hafa sótt hana að jafnaði en íbúafjöldi Borgarfjarðar Eystri telur um 150 manns og því hefur verið um töluverða margföldun að ræða þessa helgi í byggðarlaginu.
Tónlistarhátíðin Bræðslan dregur nafn sitt af samnefndum síldarskúr þar sem tónleikar hátíðarinnar fara fram.
Nánari upplýsingar um hátíðina má finna á www.borgarfjordureystri.is.
Rannsókn á menningarnæturmáli lokið
Vonir bundnar við morgundaginn
Formaðurinn útilokar ekki undirritun í kvöld
Koma fyrstu tölur á sunnudagskvöldið?
Íslensk kona handtekin á Tenerife eftir líkamsárás
Unnið að hraunkælingu allan sólarhringinn
Létu lofthræðsluna ekki á sig fá
Fæðuöryggi: „Áttum mat í þrjár vikur“