Keppir í jiu jitsu á Hawaii

Íslenski bardagaíþróttamaðurinn Gunnar Nelson  tekur þátt í opna meistaramótinu   í brasilísku jiu jitsu á Hawaii á morgun en mótið fer fram í Honolulu.

Brasilískt jiu jitsu  er vinsæl íþróttagrein á Hawaii og Hawaiibúinn B.J. Penn varði fyrir viku heimsmeistaratitil sinn í blönduðum bardagalistum. Hann varð jafnframt  fyrsti keppandi utan Brasilíu til að hreppa heimsmeistaratitil í þessari grein.

Gunnar hefur síðustu þrjá mánuði dvalist í Hilo á Hawaii við æfingar í bardagaíþróttum og notið leiðsagnar Penns, að því er kemur fram í tilkynningu.   

• 1 blogg um fréttina

Bloggað um fréttina

• Halli Nelson: Sterkt mót