Elskar hamborgara og franskar

Bandaríska leikkonan Cameron Diaz er ákaflega veik fyrir hamborgurum og frönskum kartöflum. „Ég borða nú oftast frekar hollan mat en ég elska hamborgara, og ef þú setur skál með frönskum kartöflum fyrir framan mig klára ég þær alveg um leið,“ sagði leikkonan  í nýlegu viðtali.

Þá sagði Diaz að hún noti hreyfinguna til að halda sér gangandi, bæði andlega og líkamlega. „Ég fer oft í fjallgöngu, á snjóbretti eða jafnvel á brimbretti. Svo er ég reyndar með einkaþjálfara líka, enda skiptir hreyfingin sköpum þegar kemur að því að halda sönsum.“