Dómari með dónamyndir á vefsíðu sinni

Hætta varð réttarhaldi í Bandaríkjunum yfir manni, sem ákærður var fyrir að dreifa klámfengnum myndskeiðum, eftir að í ljós kom að dónalegar og klámfengnar myndir var að finna á heimasíðu dómarans í málinu.

Dómarinn, sem heitir Alex Kozinski og er 57 ára, sagðist ekki hafa vitað að almenningur hefði opinn aðgang að myndum og myndskeiðum á heimasíðunni. Búið er að loka vefsíðunni.

Kozinski er virtur alríkisdómari í Los Angeles en hann var skipaður í embætti á valdatíma Ronalds Reagans, Bandaríkjaforseta. Hann viðurkenndi í samtali við blaðið Los Angeles Times, að hann hefði sett myndirnar á vefinn og sýnt nokkrum vinum sínum þær.

Kozinski sagði í viðtalinu, að hann hefði talið að flestar myndirnar væru fyndnar en viðurkenndi að sumar væru óviðeigandi. Í tölvupósti til lögfræðivefjarins abovethelaw.com sagði Kozinski hins vegar, að aðrir í fjölskyldu hans hefðu haft aðgang að vefnum og líklega hefði sonur hans sett stóran hluta af myndunum á vefinn. 

• 1 blogg um fréttina

Bloggað um fréttina

• Tiger: Hvort er nakið læri dónalegt, sweet eða listrænt? Hver er …