Larson hyggur á frama í tískuheiminum

Sarah Larson, fyrrum kærasta kvennagullsins George Clooney, hefur greint frá því að upp úr sambandi þeirra hafi slitnað þar sem hún hafi ekki verið tilbúin til að festa ráð sitt. 

„Fólk heldur að við höfum hætt saman af því hvað George leggur mikið upp úr frelsi sínu. Ég er hins vegar hirðingi. Ég get ekki ákveðið hvar ég vil búa. Ég á hús í Las Vegasog ferðast mikið fram og til baka,” segir Larson sem er 29 ára og hafði verið með Clooney í ár er upp úr sambandi þeirra slitnaði. 

Hún segist nú stefna að því að hasla sér völl sem tískuhönnuður en er hún kynntist leikaranum starfaði hún á bar. „Ég hef ástríðu fyrir tísku. Ég lét sérsauma Armani kjól fyrir glæsiveislu í Metropolitan listasafninu í New York. Ég þurfti hreinlega að skipta mér af öllu," segir hún í viðtali við breska blaðið Daily Star.

• 1 blogg um fréttina

Bloggað um fréttina

• Jenný Anna Baldursdóttir: Ekki brjóstin - ekki rassinn