Uppselt á Rice á Nasa

Forsala á tónleika Damien Rice á Nasa við Austurvöll  24. júlí n.k. hófst í morgun kl. 10:00. Uppselt var orðið á tónleikana eftir 15 mínútur og er ennþá mikil eftirspurn eftir miðum. Rice mun einnig spila á Bræðslunni  sem haldin verður á Borgarfirði eystri þann 26. júlí og eru enn til miðar á þá tónleika.

Þetta er í þriðja sinn sem Damien selur upp Nasa á augabragði því 
hann kom þar fram tvisvar árið 2004 fyrir troðfullu húsi, samkvæmt tilkynningu.

Damien hefur hinsvegar alls spilað þrisvar á Íslandi hingað til því 
hann kom einnig fram með hljómsveit sinni í janúar 2006 í 
Laugardalshöll á tónleikum gegn virkjanastefnu íslenskra stjórnvalda. Er þess sérstaklega getið í tilkynningu að hann komi til landsins með áætlunarflugi.

 Rice mun koma fram á tónlistarhátíðinni Bræðslunni ásamt 
Eivöru Pálsdóttur og Magna.

• 2 blogg um fréttina

Bloggað um fréttina

• Elín Sigurðardóttir: Ég fékk miða!
• Hvíti Riddarinn: Hef ekki heyrt í kallinum......