Pálmi Gestsson hafnarvörður í Bolungarvík

Pálmi Gestsson, leikari í Þjóðleikhúsinu og í Spaugstofunni, hefur ráðið sig í hafnarvörslu í Bolungarvík í sumar. Aðspurður viðurkenndi hann fúslega í samtali við Bæjarins besta að vera orðinn, eða um það bil að verða, hafnarvörður í bænum.

„Þeir vildu að ég byrjaði strax, en ég byrja líklega bara á mánudaginn“, sagði Pálmi þegar hann var staddur í húsi sínu í Bolungarvík. Eins og alþjóð veit er Pálmi Víkari í húð og hár þó hann hafi búið sunnan heiða meirihluta ævi sinnar. „Þetta er ágætis afsökun fyrir því að dvelja hérna langdvölum. Mér líður vel hérna á Hjara, óðalinu mínu í Bolungarvík.“

Pálmi segist litla reynslu hafa af hafnarvörslu þó hann hafi verið á sjó og þ.a.l. umgengis höfnina í Bolungarvík talsvert. „Bróðir minn er yfirhafnarvörður og hann kemst ekkert í frí, þannig að ég verð að sjá aumur á honum. Ég veit ekki alveg hvað ég verð lengi, en held ég þurfi að dekka tvö sumarfrí. Við verðum að sjá hvernig þetta fer og hvort ég geti ekki lært að vigta, ég vona að ég hafi einhverja hæfileika í það.“

• 6 blogg um fréttina

Bloggað um fréttina

• Heimir Lárusson Fjeldsted: Bolvíkingar óhæfir eða skortur á vinnuafli?
• Bergur Thorberg: Pálmi kominn í fatahengið
• Gunnar Kr.: Hafnarvarðarlimra
• Snorri Bergz: Skemmtilegt við höfnina í sumar
• Dagný Kristinsdóttir: Þú ert alveg frábær....
• Hafsteinn Viðar Ásgeirsson: Hann Pálmi virkar örugglega á bryggjunum.