Fyrsta samkynhneigða parið giftist í kirkju

Kær­ustuparið Katrín Þóra Víðis­dótt­ir og Erla Björk Pálma­dótt­ir verður fyrsta parið sem vígt verður í staðfesta sam­vist í ís­lenskri kirkju eft­ir að ný lög sem heim­ila slíkt tóku gildi 27. júní sl. At­höfn­in verður í Melstaðar­kirkju í Miðfirði í dag.

Katrín er þrítug og hef­ur verið bú­sett í Húnaþingi frá barnæsku og Melstaðar­kirkja er henn­ar ferm­ing­ar­kirkja. Erla Björk er frá Geita­bergi í Borg­ar­f­irði, gekk í Heiðaskóla og kirkj­an henn­ar var Saur­bæj­ar­kirkja á Hval­fjarðar­strönd. Þær hafa búið sam­an á Akra­nesi í hálft annað ár og festu ný­verið kaup á íbúð. Á heim­il­inu er einnig hund­ur­inn Kleopatra.

Þær höfðu áformað að fá borg­ara­lega at­höfn hjá sýslu­manni á Akra­nesi og síðan bless­un­ar­stund í kirkju. Þeim var þá bent á hin ný­samþykktu lög, þar sem prest­um var heim­ilað að gefa sam­an pör í staðfesta sam­vist.

Sr. Sig­urður Grét­ar Sig­urðsson, sókn­ar­prest­ur á Hvammstanga, mun gefa þær sam­an. Aðspurður seg­ist Sig­urður hafa átt þátt í að leiða til lykta deilu­mál um aðkomu kirkj­unn­ar að bless­un sam­banda sam­kyn­hneigðra ein­stak­linga, en tek­ist var á um þau mál á presta­stefnu á Húsa­vík á liðnu ári.