Aldrei saman á ný
Setja bókamerki
Hljómsveitin Abba mun aldrei koma saman á sviði á ný, segja þeir Björn Ulvaeus og Benny Andersson, í viðtali við Sunday Telegraph í dag. Segja þeir einfaldlega ekkert tilefni vera til þess. Hljómsveitin mætti öll við frumsýningu kvikmyndarinnar Mamma Mia í síðustu viku í Stokkhólmi. Meginþema myndarinnar er tónlist hljómsveitarinnar.
„Við viljum að fólk muni eftir okkur eins og við vorum, upprifinn og full af metnaði," segir Ulvaeus í viðtalinu.
Hann segist muna eftir því þegar Robert Plant sagði að Led Zeppelin væri ábreiðuhljómsveit þar sem þeir fluttu ábreiður af eigin tónlist. „Ég held að hann hafi hitt naglann á höfuðið."
Andersson segist furða sig á því hvað lög hljómsveitarinnar hafi lifað lengi. „Þú veist hvernig popp tónlist er. Hún er þegar hún er og við vorum sannfærð um að það sama myndi gilda um okkur."
Truflanir hafa áhrif á netbanka og rafræn skilríki
Tólf ára drengur gekk tárvotur af vellinum: „Ógeðsleg orð“
Játaði allt á fyrsta degi
Trump sver embættiseið í dag
Verklok við snjóflóðavarnir áætluð 2029
Óvenjuleg virkni sem getur leitt til eldgoss
Hugleiðir framboð til formanns