Schwarzenegger býður fram aðstoð

Arnold Schwarzenegger, ríkisstjóri Kaliforníu, segist vera reiðubúinn að bjóða fram aðstoð sína svo binda megi enda á kjaradeilu leikara og kvikmyndaveranna í Hollywood. Hann segist vilja gera allt til að forðast annað verkfall.

„Ef einhver biður mig um að aðstoða, þá er ég til þjónustu reiðubúinn,“ sagði Schwarzenegger á blaðamannafundi í Los Angeles.

„Það er að mínu mati afar mikilvægt að samkomulag náist svo fljótt sem auðið er. Annað verkfall er það síðasta sem við þurfum á að halda.“

Pattstaða er í samningaviðræðum milli stéttarfélags kvikmyndaleikara í Hollywood (SAG) og kvikmyndaveranna. Þá eru engar viðræður fyrirhugaðar á næstunni.

Alls eru 120.000 félagar í SAG. Stéttarfélagið krefst þess að leikararnir fái meiri tekjur þegar kvikmyndir sem þeir leika í eru gefnar út á DVD-diskum. Þá krefjast þeir að leikararnir hafi meira um það að segja hvernig myndirnar eru kynntir í sjónvarpi.

Samningur þeirra rann út í júlí sl.

• 1 blogg um fréttina

Bloggað um fréttina

• Snorri Bergz: Arnold beggja vegna borðs?