Er Izzie dauðvona?
Setja bókamerki
Þær sögur ganga nú fjöllunum hærra að ABC sjónvarpsstöðin sem framleiðir sjónvarpsþættina Grey's Anatomy hyggist rifta samningi sínum við leikkonuna Katherine Heigl. Þetta kemur fram á vefnum E! Online.
Segir sagan að Shonda Rhimes, aðalhöfundur þáttanna, sé jafnvel að velta því fyrir sér að láta Dr. Isobel "Izzie" Stevens, sem Heigl leikur í þáttunum, deyja.
Rhimes mun hafa tekið ummælum Heigl, um það efni sem hún hafi fengið til að vinna úr í síðustu þáttaröð, mjög illa. Heigl sagði er hún lýsti því yfir að hún gæfi ekki kost á sér til tilnefningar til Emmy verðlauna að hún teldi sig ekki hafa fengið verðugan efnivið.
Heigl hlaut Emmy verðlaunin fyrir hlutverk sitt sem Izzie á síðasta ári en hefur síðan slegið í gegn í kvikmyndunum Knocked Up og 27 Dresses. Hefur því verið haldið fram að hún vilji gjarnan losna undan samningi sínum við ABC til að einbeita sér að kvikmyndaferli sínum.
Fundaði með starfsfólki í fjóra tíma í gær
„Svindlherferðir eru að færast í aukana“
Neitaði sök um morð og hryðjuverk
Ekkert ferðaveður og vegalokanir á jóladag
Þungt ástand í margar vikur vegna RS-veiru
/frimg/1/41/23/1412311.jpg)
Segja Kínverja hindra framgöngu réttvísinnar