Mamma mía! Íslendingar flykkjast á ABBA-mynd

Það þarf lík­lega eng­um að koma á óvart að kvik­mynd byggð á söng­leikn­um Mamma Mia! sem ein­mitt heit­ir Mamma Mia!, skyldi skjót­ast beint á topp­inn yfir þær kvik­mynd­ir sem mest­um tekj­um skiluðu um helg­ina í ís­lensk­um kvik­mynda­hús­um.

Þó svo Pierce Brosn­an þyki eng­inn stór­söngv­ari mun það ekki koma að sök í mynd­inni, menn fá ein­fald­lega aldrei nóg af ABBA-lög­un­um. Sum­ar og sól og sí­gild­ir smell­ir á borð við „Super Trouper“, „Danc­ing Qu­een“ og „The Winner Takes It All“ – geta menn óskað sér meira í sum­ar­mynd? 9.700 sáu Mamma Mia! um helg­ina sem hlýt­ur að þykja all­gott.

Í öðru sæti er teikni­mynd um panda­björn sem lær­ir hina miklu kung fu-bar­dagalist. Kung Fu Panda heit­ir hún og var í öðru sæti í síðustu viku einnig. Hins veg­ar dett­ur Will Smith niður um tvö sæti, leik­ur und­ar­lega of­ur­hetju, Hancock, í sam­nefndri mynd. Tekj­ur af sýn­ing­um á henni eft­ir tvær vik­ur nema tæp­um 17 millj­ón­um króna. Wan­ted, has­ar­mynd með Ang­el­inu Jolie, dett­ur niður um eitt sæti í það fjórða, 1.771 sá mynd­ina um helg­ina en hún var sýnd í fjór­um söl­um.

Eddie Murp­hy fer með mörg hlut­verk í nýj­ustu mynd sinni. Meet Dave heit­ir hún og seg­ir af geim­ver­um sem koma til jarðar í geim­skipi sem lít­ur út eins og Eddie Murp­hy. Skipið fell­ir hug til konu einn­ar og þá flækj­ast mál­in. Murp­hy er í fimmta sæti en mynd­in var frum­sýnd í síðustu viku. Aðrar hreyf­ing­ar á list­an­um koma ekki á óvart, mynd­ir detta niður um eitt eða tvö sæti. Tekju­hæst er nýj­asta mynd­in um Indi­ana Jo­nes, 41,4 millj­ón­ir króna á átta sýn­ing­ar­vik­um.