ESB stefnir að því að framlengja höfundarrétt tónlistarmanna
Setja bókamerki
Tónlistarmenn sem eru komnir á besta aldur munu fá greidd stefgjöld til æviloka samkvæmt reglugerð sem Evrópusambandið er með í smíðum.
Í dag rennur höfundarrétturinn út eftir 50 ár og þá hætta tónlistarmenn að hljóta greiðslu fyrir tónlist sem er orðin það gömul, segir á fréttavef BBC.
Reynsluboltar á borð við Cliff Richard og Roger Daltrey eru á meðal þeirra sem hafa barist fyrir því að fá þetta í gegn. Paul McCartney og U2 hafa einnig viðrað skoðanir sínar á málinu og vilja að höfundarrétturinn verði framlengdur.
ESB hefur tilkynnt að stefnt sé að því að tónlist njóti höfundarréttar í 95 ár í stað 50 ára. Ríkisstjórnir ESB-ríkjanna og Evrópuþingið þurfa hins vegar að samþykkja þetta eigi þetta að verða að veruleika.
Elstu lög Cliff Richards verða 50 ára á næsta ári og samkvæmt núgildandi reglum á hann þá ekki lengur rétt á því að fá greitt fyrir tónlistina. Ljóst er að það mun breytast nái áætlun ESB fram að ganga.
„Þetta er ríkisstjórn almannahagsmuna“
Segir að verið sé að svindla á Bandaríkjunum
„Aðstæður í stjórnmálum geta breyst á einni nóttu“
Alvarleg netárás á Wise
„Mér finnst gamla Samfylkingin komin aftur“