Minnsta hótel í heimi?

Minnsta hótel í heimi er væntanlega fundið. Það er í þorpinu Amberg í Bæjaralandi og er aðeins 53 fermetrar að stærð. Þótt húsið sé ekki stórt kostar sitt að gista þar: 190 evrur á sólarhring eða jafnvirði rúmlega 23 þúsund króna.

Húsið, sem nefnist Eh'haeusl eða hjónabandshúsið, var byggt árið 1728 þegar reistir voru veggir á milli tveggja bygginga og þak sett yfir. Eitt sinn var húsið notað til að sniðganga hjónabandslög, sem kváðu á um að pör, sem vildu gifta sig, yrðu að eiga fasteign. Var húsið þá skráð á hjónaleysi svo þau gætu fengið leyfisbréf og síðan gekk húsið til næsta pars.

Hótelið hefur nú verið opnað að nýju eftir endurbætur. Brúðhjón gista þarna gjarnan á brúðkaupsnóttina. 

• 3 blogg um fréttina

Bloggað um fréttina

• Ía Jóhannsdóttir: Amberg var okkar bær og bjargaði okkar sálarheill fyrir átján …
• Bergur Thorberg: Skyldi vera pláss fyrir okkur?
• Anna Sigríður Guðmundsdóttir: Minnsta leikhús..