Jólasveinar á sumri
Setja bókamerki
Jólin koma tvisvar á ári í Kaupmannahöfn en í dag hófst árleg ráðstefna jólasveina í skemmtigarðinum Dyrehavsbakken norður af Kaupmannahöfn. Þessi ráðstefna hefur verið haldin árlega í rúma hálfa öld og í ár koma 136 jólasveinar þar saman, flestir frá Norðurlöndunum en sumir eru komnir lengra að.
Á ráðstefnunni er rætt um ýmis hagsmunamál jólasveina, svo sem að jól verði haldin oft á ári til að dreifa vinnuálaginu og sett verði staðall um lágmarksstærð strompa svo sveinarnir festist ekki þegar þeir dreifa gjöfum. Þá keppa sveinarnir í ýmsum ýmsum þrautum og íþróttum sem þeir einir hafa áhuga á og á valdi sínu. Þeir hafa m.a. keppt í snjóþrúgustökki og strompaklifri en þeir munu einnig fara í skrúðgöngu um Kaupmannahöfn, heimsækja börn á sjúkrahúsum og synda í höfninni.
Jólasveinar heita ýmsum nöfnum en skipuleggjendur ráðstefnunnar í Bakken fullyrða að þátttakendurnir séu allir raunverulegir jólasveinar. Ekki er vitað hvort íslensku jólasveinarnir eru þar á meðal enda halda þeir sig venjulega í fjöllunum á þessum árstíma.
Lát hjóna í Neskaupstað: Ákæra gefin út
Þetta eru ráðherrar ríkisstjórnarinnar
Skattamál verði líklega „þeirra mesta klemma“
Fyrsti blaðamannafundurinn í heild sinni
Var engin kristnitaka árið 1000?
„Þetta er ríkisstjórn almannahagsmuna“
Ók á hóp fólks á jólamarkaði: Einn látinn
„Börn heima sem maður myndi vilja hafa í skjóli“
