Christian Bale handtekinn vegna líkamsárásar

Breski leikarinn Christian Bale var handtekinn í Lundúnum í  morgun eftir að lögreglunni barst kæra frá móður og systur, sem sögðu að Bale hefði ráðist á þær á sunnudagskvöld. Bale, sem er 34 ára, leikur aðalhlutverkið í nýjustu myndinni um Leðurblökumanninn, sem slegið hefur aðsóknarmet um allan heim.

Breskir fjölmiðlar segja, að mæðgurnar hafi komið á lögreglustöð í Hampshire í suðurhluta Englands og lagt fram kæru á hendur Bale. Segja þær að Bale hafi ráðist á þær á Dorchesterhótelinu í Lundúnum á sunnudagskvöld.

Kæran var send til Lundúnalögreglunnar. Breska blaðið The Sun segir að lögregla hafi ekki viljað handtaka Bale í gær vegna þess, að nýja kvikmyndin var frumsýnd í Lundúnum í gærkvöldi.  

Christian Bale kemur á frumsýningu kvikmyndarinnar um Batman í Lundúnum í gær. Reuters

• 2 blogg um fréttina

Bloggað um fréttina

• Ómar Ingi: Þetta er eitthvað meira en lítið undarleg fjölskylda sem Bale …
• Gísli Foster Hjartarson: Bale í Jail(ið)