Leðurblökumaðurinn kominn

Nýjasta kvikmyndin um Leðurblökumanninn, The Dark Knight, var forsýnd í Kringlubíói í kvöld og var margt um manninn. Myndin sló  aðsóknarmet í Norður-Ameríku um helgina og námu tekjur af sýningu hennar rúmum 158 milljónum dala, jafnvirði rúmra 12,5 milljarða króna.

Breski leikarinn Christian Bale, sem leikur Leðurblökumanninn í myndinni, komst óvænt í fréttir í dag þegar í ljós kom, að móðir hans og systir, sem búa í Dorset á suðurhluta Englands, lögðu fram kæru á hendur honum fyrir líkamsárás. Árásin var sögð hafa verið gerð á Dorchesterhótelinu í Lundúnum á sunnudag.

Bale kom á lögreglustöð í Lundúnum í dag þar sem hann var handtekinn og yfirheyrður en síðan látinn laus gegn tryggingu. Í yfirlýsingu frá blaðafulltrúa Bales segir að leikarinn lýsi yfir sakleysi sínu og aðstoði lögreglu við rannsókn málsins.

• 2 blogg um fréttina

Bloggað um fréttina

• Stefán Friðrik Stefánsson: The Dark Knight er algjörlega frábær mynd
• Bara Steini: Stuðlar að glæpum.