Síðsumarþjóðhátíðarlag frá Baggalúti

Hljómsveitin Baggalútur hefur sent frá sér  nýtt síðsumarlag af væntanlegri gleði- og samkvæmisskífu sinni. Lagið, sem heitir Þjóðhátíð '93, er eftir Braga Valdimar Skúlason og Guðmund Pálsson.

Textinn er eftir Braga og segja Baggalútsmenn að hann sé byggður á sannsögulegum atburðum, aðeins nöfnum hefur verið breytt  til að hlífa  saklausum.

Textinn byrjar svona:

Þjóðhátíð '93.
Þar var ég – og líka þú.
Ölir menn í leit að illa girtum meyjum.
Planið að sverfa burt sveindóminn
á þjóðhátíð í Eyjum.

Sleitulaus hátíðahöld.
Hælalaus, ámigin tjöld.
Dalverpið alsett gallspúandi greyjum.
Planið að álpast á ástina
á þjóðhátíð í Eyjum. 

Vefur Baggalúts 

• 2 blogg um fréttina

Bloggað um fréttina

• Sigríður Þórarinsdóttir: Þjóðhátíðarsmellur ?
• Heimir Tómasson: Endalaust andskotans jarm alltaf hreint...