Britney gerir raunveruleikaþátt um sig

Sá orðrómur er á kreiki að Britney Spears vinni að gerð raunveruleikaþátta. Herma fregnir að hún hafi sett myndbandstökuvélar í hendur fylgdarliði sínu til að það geti náð myndum af uppátækjum hennar.

Haft er eftir heimildamanni:

„Lífvörðum Britneyjar og öðru starfsfólki hefur verið fyrirskipað að vera með upptökuvélar hvert sem það fer til að það missi ekki af neinu. Hvort sem Britney er hátt uppi eða langt niðri, ánægð eða leið, eru myndavélarnar ætíð nærri. Sumar myndirnar eru virkilega grípandi og það mun enginn vilja missa af þessum þáttum.“

„Britney telur að nýir raunveruleikaþættir séu einmitt það sem hún þarf til að ná sér á strik á ferlinum og sýna og sanna fyrir aðdáendum sínum að hún hafi sigrast á vandamálum sínum.“

• 1 blogg um fréttina

Bloggað um fréttina

• Ómar Ingi: Brit TV