Bitust um myndir af tvíburunum

Tímaritið Hello! tryggði sér birtingarréttinn á fyrstu myndunum af tvíburunum sem Angelina Jolie og Brad Pitt eignuðust nýverið, þeim Knox og Vivienne. Mun tímaritið hafa greitt milljónir punda fyrir einkarétt á myndunum.

Hello! hafði betur í slag við keppinaut sinn, OK! um birtingarréttinn, og haft er eftir heimildamanni í útgáfubransanum að þetta verði einhverjar umtöluðustu myndir sem birst hafi.

„Brad og Angelina eru drauma-parið í glanstímaritaheiminum, og við væntum þess að upplagið hjá okkur þrefaldist vegna þess áhuga sem lesendur hafa á þeim og börnunum þeirra.“

Hello! hefur flýtt útgáfu tölublaðsins með myndunum, og mun það koma út á mánudaginn.

Tvíburarnir komu í heiminn 13. júlí á sjúkrahúsi í Suður-Frakklandi.

• 1 blogg um fréttina

Bloggað um fréttina

• Snorri Bergz: Hér sést mynd af tvíburunum (tekin af netinu)