Christina Applegate með krabbamein

Bandaríska leikkonan Christina Applegate hefur greinst með brjóstakrabbamein á byrjunarstigi og gengst nú undir læknismeðferð, að því er kom fram í sjónvarpsþættinum Ekstra.

Vísaði þátturinn í yfirlýsingu frá umboðsskrifstofu leikkonunnar þar sem segir, að vegna þess hve sjúkdómurinn greindist snemma séu batahorfur góðar.

Applegate er 36 ára. Hún hefur leikið í vinsælum sjónvarpsþáttum á borð við Samantha Who? og Married ... with Children, sem sýndur var í íslensku sjónvarpi. Hún hefur einnig leikið í kvikmyndum. 

• 1 blogg um fréttina

Bloggað um fréttina

• Ómar Ingi: "Everything is just going to be fine" - er nafnið …