Kosið um klæðaburð fræga fólksins

Nú stendur sem hæst árleg kosning meðal lesenda bandaríska tímaritsins Vanity Fair um hverjir úr röðum fræga fólksins séu best- og verst klæddir. Eiginkonur stjórnmálamanna virðast kunna að klæða sig en bæði Carla Bruni, forsetafrú Frakklands, og Michelle Obama, eiginkona bandaríska forsetaframbjóðandans Baracks Obama, hafa fengið mörg atkvæði. 

Björk Guðmundsdóttir er einnig á núverandi lista blaðsins en hún er í þriðja sæti yfir verst klæddu konurnar, á eftir þýsku prinsessunni Elisabeth von Thurn und Taxis, og ensku söngkonunni Amy Winehouse. 

Leikarinn Patrick Dempsey er sem stendur efstur á listanum yfir best klæddu karlmennina en fast á hæla honum kemur Bondleikarinn Daniel Craig. Þá hafa þau Brad Pitt og Angelina Jolie yfirburði í kosningu um best klædda parið.

Niðurstaðan úr kjörinu mun liggja fyrir í september, að sögn Vanity Fair.

Heimasíða Vanity Fair