Megas veiktist

„Það komu bara upp veik­indi á síðustu stundu,“ seg­ir Guðmund­ur Krist­inn Jóns­son, forsprakki hljóm­sveit­ar­inn­ar Senuþjóf­anna, en ekk­ert varð af því að Megas og Senuþjóf­arn­ir spiluðu á Inni­púk­an­um nú um versl­un­ar­manna­helg­ina eins og til stóð. Að sögn Guðmund­ar er þó ekki um al­var­leg veik­indi að ræða og ger­ir hann því fast­lega ráð fyr­ir að sveit­in verði kom­in á fullt áður en langt um líður.

Í stað Megas­ar og Senuþjóf­anna spiluðu Hjálm­ar leng­ur en upp­haf­lega var ætlað, og að sögn Guðmund­ar féll sú ráðstöf­un vel í kramið hjá tón­leika­gest­um. „Fólk skil­ur auðvitað að menn geta veikst, meira að segja Megas,“ seg­ir Guðmund­ur.

Inni­púk­inn þótti ann­ars heppn­ast mjög vel að þessu sinni, en á meðal þeirra flytj­enda sem komu fram á NASA um helg­ina voru Sprengju­höll­in, Geir Ólafs og Dr. Spock.

Sprengju­höll­in spilaði í göml­um bún­ing­um af Stuðmönn­um.