Húðin á Beyonce lýst?

Snyrtivörufyrirtækið L'Oreal neitar því að hafa lýst húðina á bandarísku söngkonunni Beyonce Knowles í auglýsingu þar sem hún kynnir Feria hárlitunarvörur, en auglýsingin var birt í nýjasta tölublaði Elle.

L'Oreal, sem framleiðir m.a. Garnier hárvörur og Lancome snyrtivörur, er stærsta snyrtivörufyrirtæki heims. Fyrirtækið hefur sent frá sér yfirlýsingu vegna þessara ásakana, og þar kemur fram að söngkonunni hafi ekki verið breytt á nokkurn hátt fyrir umrædda auglýsingu.

Talsmaður söngkonunnar segir að Beyonce muni ekki tjá sig um yfirlýsingu L'Oreal's. Hún hefur verið talskona fyrirtækisins síðan 2001.

• 2 blogg um fréttina

Bloggað um fréttina

• Jóhannes Ragnarsson: Blásnáðinn fór á drengjaheimili en móðirin á geðveikrahæli
• Ómar Ingi: Þokkalega búið að lýsa stúlkuna upp