Angela missti meira en 80 kíló

Ang­ela Stokes kom til Íslands árið 2002 í þeim til­gangi að taka þátt  sjálf­boðaverk­efni á Sól­heim­um, þá 24 ára. Þrátt fyr­ir ung­an ald­ur var lík­am­legt ástand henn­ar slakt. Hún hafði frá barnæsku aukið jafnt og þétt við þyngd sína, borðað óholla fæðu í óhófi og var orðin afar þung eða um 140 kg. „Ég var alltof feit, alltaf þreytt, orku­laus, geðvond og alltaf veik eða slöpp,“ sagði hún.

„Ég var líka alltaf reið og sár,“ bæt­ir hún við. „Búin að gef­ast upp á sjálfri mér og mögu­leik­an­um á grönn­um og hraust­um lík­ama og reiðin, af­neit­un­in, sær­ind­in og þung­lyndið sem fylgdi lík­am­legu ástandi mínu litaði líf mitt. Ég sá það ekki fyrr en eft­ir breyt­ing­una, hversu lítið og fúlt líf mitt var. Ég lifði í vörn.

Þrátt fyr­ir að ég ætti aug­ljós­lega við offitu­vanda­mál að stríða þá átti ég afar erfitt með að vera nærri fólki sem talaði um offitu og ofát, megr­un og fleira. Ég lét sem ekk­ert væri en þegar ég var ein brotnaði ég niður og fór yfir sam­töl og at­huga­semd­ir fólks tím­un­um sam­an af þrá­hyggju. Velti mér upp úr áliti annarra og upp­gjöf minni. En án þess að gera nokkuð sem skipti máli. Ég var sem lömuð. Þótt­ist kannski gera eitt­hvað frá degi til dags en þær breyt­ing­ar og til­raun­ir til betra lífs voru alltaf til skamms tíma og ein­fald­lega alls ekki nógu stór­tæk­ar til að vinna á offitu minni.“

• 3 blogg um frétt­ina

Bloggað um frétt­ina

• Anna Guðrún Gylfa­dótt­ir: Vil benda á þessa heimasíðu sem sýn­ir mynd­ir af Ang­elu …
• Linda litla: Við erum að tala um að létt­ast um 80 kíló....
• Snorri Bergz: Missti kíló bara í gær­kvöldi...