Madonna fimmtug

Hún á afmæli í dag, kyntáknið, poppdrottningin, leikkonan, rithöfundurinn, móðirin og tísku-íkonið Madonna Louise Ciccone Ritchie.

Slúðurmiðlarinn BANG Showbiz hefur það fyrir satt að söngdívan síunga hafi bannað gestum í afmælisveislunni sem framundan er að kalla hana fimmtuga. Einnig eru kökur, kort og gjafir merkt tölunni 50 stranglega bönnuð.

Því í raun er Madonna 14 árum yngri, sumsé 36 ára, því Kabbala-prestar sem söngkonan tekur mikið mark á segja að það sé hennar andlegi aldur.

Eru þeir væntanlega ekki að meina með því að konan sé seinþroska andlega.