Enginn vill taka á móti Glitter

Fyrrum glysrokkarinn Gary Glitter er kominn aftur til Taílands eftir að yfirvöld í Hong Kong meinuðu honum inngöngu í landið. Kínversk yfirvöld greindu breska utanríkisráðuneytinu að Glitter, sem heitir í raun Paul Gadd, yrði ekki hleypt inn í landið.

Glitter var vísað úr landi í Víetnam þar sem hann sat í fangelsi í tæp þrjú ár fyrir að hafa misnotað tvær ungar stúlkur kynferðislega.

Hann flaug til Hong Kong frá Bangkok eftir að hann neitaði að fljúga til Bretlands. Hann óskaði eftir því að vera lagður inn á sjúkrahús þar sem hann hafi fengið hjartaáfall.

• 2 blogg um fréttina

Bloggað um fréttina

• Gísli Foster Hjartarson: ...og engin er hissa
• Jakob Falur Kristinsson: Enginn vill Gitter