Ronaldo eignast bílnúmer

Það mun hafa kostað kvennaljómann og knattspyrnugoðið portúgalska, Christiano Ronaldo, um 22 milljónir króna að eignast einkanúmer á bílinn sinn. Á númeraplötunni stendur einfaldlega CR7 – annarsvegar upphafsstafir Ronaldos og sjöan er fyrir númerið á treyjunni hans hjá Manchester United-liðinu.

Ronaldo vill greinilega eiga bíla eftir sínu höfði. Samkvæmt götublaðinu The Sun pantaði hann nýlega bíl af tegundinni Rolls Royce Phantom, að andvirði um 50 milljónir króna. Númeraplatan CR7 fer þó ekki á Rollsinn heldur á silfraða Bentley blæjubílinn sem hann er oftast á.

Ronaldo fylgir í fótspor forvera síns hjá United, David Beckham, sem var með sama númer hjá liðinu, sjöuna, og lét flúra VII á sig auk þess að hafa hönd í bagga með fatalínunni DB7 hjá Marks & Spencer-verslununum.

Ronaldi mun hafa númerið sjö á húsgögnum á heimili sínu, eitt borðið er eins og talan sjö í laginu og þá er mósaík-sjöa í sundlauginni hans.