Duchovny berst við kynlífsfíkn

Bandaríski leikarinn David Duchovny hefur skráð sig á meðferðarstofnun vegna kynlífsfíknar. Þetta hefur fjölmiðlafulltrúi leikarans staðfest. Fram kemur í yfirlýsingu að Duchovny hafi farið í meðferð sjálfviljugur.

Leikarinn, sem er 48 ára, óskar eftir því að hann og fjölskyldan hans fái næði til að takast á við vandann.

Duchovny hefur verið kvæntur leikkonunni Teu Leoni síðan 1997 og eiga þau tvö börn saman. Leikarinn gerði garðinn frægan sem FBI-lögreglumaðurinn Fox Mulder í X-Files þáttunum, en nú leikur hann kynlífsóðan rithöfund í þáttunum Californication.

• 2 blogg um fréttina

Bloggað um fréttina

• Snorri Bergz: Lækning við kynlífsfíkn
• Hvíti Riddarinn: Margir að berjast við þennan djöful!