Líf og fjör á uppboði

Perlan iðaði af lífi í allan dag en þar var haldinn markaður til stuðnings uppbyggingar skóla fyrir börn og konur í Jemen. Gerðu ýmsir góð kaup á markaðnum og voru dæmi um að það væri hreinlega slegist um merkjavöruna þegar Perlan var opnuð fyrir gesti og gangandi klukkan tíu.

Á uppboði sem fór fram síðdegis seldist lampi eftir Ólaf Elíasson á rúmar tvær milljónir. Landsliðstreyja Ólafs Stefánssonar sem hann klæddist á úrslitaleiknum á Ólympíuleikunum, árituð af öllum í landsliðnu fór á eina milljón króna og kjóll Bjarkar Guðmundsdóttur sem hún notaði í myndbandinu við Alarm Call árið 1998 fór á 110 þúsund krónur. Kjóllinn er hannaður af Alexander McQueen. Ekki liggur fyrir hversu mikið safnaðist á uppboðinu og markaðnum í dag.

Markaðurinn verður einnig opinn á morgun og þá verða nýjar vörur í boði.

Nánar um markaðinn

• 2 blogg um fréttina

Bloggað um fréttina

• Bjarney Hallgrímsdóttir: Mikið vildi ég...
• Bergur Thorberg: Kjóllinn er heldur lítill á mig