Hljóðritaði fund, falinn undir borði

Í ljósi breytinga hjá RÚV og brotthvarfs Elínar Hirst sem fréttastjóra Sjónvarpsins rifjast upp saga þegar sviptingar áttu sér stað í Efstaleitinu fyrir rúmum þremur árum. Ungur blaðamaður frá DV að nafni Helgi Seljan fékk það hlutverk að reyna fiska fréttir um Auðun Georg Ólafsson og mótþróa innanhúss gegn ráðningu hans sem fréttastjóra Útvarps hjá RÚV. Helgi Seljan vissi af lokuðum fundi starfsmanna þar sem átti að ræða málin og viðbrögð við ráðningunni.

„Mér var hleypt inn af fréttastjóranum bakdyramegin og ég skreið undir borð og á bak við eitthvert skilrúm,“ segir Helgi. „Ég var á staðnum allan fundinn og náði að taka allt upp. Svo fannst ég um leið og fundinum lauk. Þá kom einhver og settist við borðið sem ég var undir. Það varð allt brjálað. Það var sagt við mig að ég hlyti að vinna á DV því engum öðrum myndi detta þetta í hug!“

Auðunn Georg afþakkaði svo stöðuna nokkrum klukkustundum eftir þennan umrædda fund. Þar af leiðandi var umræðuefni hans ekki lengur fréttnæmt.

• 3 blogg um fréttina

Bloggað um fréttina

• Jakob Falur Kristinsson: RÚV
• Heimir Lárusson Fjeldsted: Lágt lagst
• Sigríður Gunnarsdóttir: Oft má satt kyrrt liggja