Blaine hangir í Miðgarði

Bandaríski sjónhverfingarmaðurinn David Blaine hefur oft komið fólki á óvart með óvenjulegum uppátækjum. Nú ætlar hann að hanga á fótunum í streng yfir Central Park, Miðgarði, í New York, í þrjá sólarhringa. 

Blaine hefur áður dvalið í 63 stundir lokaður inni í stórum ísmola, í 44 daga í glerkassa í Lundúnum, í viku á kafi í vatni, og einnig verið grafinn lifandi. Hann sagði að vistin í Miðgarði gæti þó orðið  erfiðasta raunin til þessa.

Blaine segist hafa prófað að hanga í sex stundir á fótunum en hann ætlar að reyna að vera í 60 stundir án matar og svefns. Hann fær þó vökva að drekka á meðan.

Læknar segja hættu á að blóðtappar myndist í æðakerfi Blaines og hann gæti einnig blindast.

• 1 blogg um fréttina

Bloggað um fréttina

• Ómar Ingi: Ekki alveg í lagi hann Blanni