Heather Locklear handtekin

Bandaríska leikkonan Heather Locklear var stöðvuð þar sem hún ók bíl í Kalíforníu síðdegis á laugardag en aksturslagið þótti einkennilegt. Leikkonan var síðan handtekin og flutt á lögreglustöð og ákærð fyrir að aka undir áhrifum lyfseðilsskyldra lyfja.

Að sögn bandarískra fjölmiðla tók lögregla eftir Locklear þar sem hún sat í kyrrstæðum bíl á hraðbraut í Montecito um 150 km frá Los Angeles. Hún var ein í bílnum. Lögregla flutti hana á lögreglustöð þar sem hún gekkst undir áfengis- og lyfjapróf. 

Locklear var ein stærsta sjónvarpsstjarna Bandaríkjanna á níunda áratug síðustu aldar og lék m.a. í þáttunum  Dynasty og TJ Hooker og síðar Melrose Place.

• 2 blogg um fréttina

Bloggað um fréttina

• Axel Jóhann Hallgrímsson: Æi nei
• Hjalti Garðarsson: Einkennilegt aksturslag?