Skammast sín ekki fyrir lýtaaðgerðir

Fyrirsætan Dita Von Teese gagnrýnir fræga fólkið fyrir að viðurkenna ekki að það hafi farið í lýtaaðgerðir. Von Teese hefur greint frá því að hún hafi farið í brjóstaaðgerð á sínum yngri árum en fyrirsætan er 36 ára. „Það er ekkert leyndarmál að ég fór í brjóstastækkun. Þegar ég var unglingur var ég þokkalega stór brjóst en þegar ég gekk í gegnum tímabil skemmtana og eiturlyfjaneyslu þá grenntist ég mikið og brjóstin komu aldrei til baka."

„Ég mun aldrei biðjast afsökunar á því að hafa gert þetta. Ég vildi bara óska þess að fleiri af fræga fólkinu myndu viðurkenna það," segir hún.

Fyrirsætan lýsir því í viðtali við tímaritið Look hvernig hún haldi sér grannri. „Þegar ég er í megrun þá beiti ég heilbrigðri skynsemi. Ég borða ekki ostborgara á hverjum degi og reyni að velja hollan mat. Minn löstur er mjólk og kex." 

„Til þess að halda mér í formi þá stunda ég jóga, pilates og ballett. Ég þoli ekki líkamsrækt svo ég á lítið trampólín til þess að hoppa á," segir Dita Von Tees.

• 1 blogg um fréttina

Bloggað um fréttina

• Sigurbjörn Friðriksson: Sólböð, líkamsrækt, tannréttingar, hárgreiðsla, andlitsförðun, líkamsþvottur, tískuklæðnaður, snyrtimennska, mannrækt o.s.frv., …