Susan Sarandon nánast nakin á mynd

Bandaríska leikkonan Susan Sarandon, sem verður 62 ára á morgun, sat nýverið fyrir án klæða. Á myndinni liggur Sarandon á bakinu og það eina sem hylur nekt hennar eru netasokkar og fjaðrir.

Myndin er tekin af Timothy White fyrir bók sem væntanleg er í verslanir síðar í mánuðinum. Nefnist bókin Hollywood Pinups og verður þar meðal annars að finna myndir af Mary-Kate Olsen, Kate Hudson og Molly Sims.

Sarandon, sem er meðal annars þekkt fyrir leik sinn í kvikmyndinni Thelma and Louise, er harðánægð með aldurinn og segist njóta hverrar stundar.

Hún segist ekki hafa farið í fegrunaraðgerðir en hún hafi ekkert á móti þeim enda sé það val hverrar konu að gera það við líkama sinn sem hún óskar ef það fær viðkomandi konu til að líða betur.

• 1 blogg um fréttina

Bloggað um fréttina

• Pálmi Freyr Óskarsson: Flott..................................