Kærusturnar tjá sig um Hef

Holly Madison, fyrrum uppáhaldskærasta Hugh Hefners, segist gleðjast yfir því fyrir hans hönd að hann skemmti sér með tvíburunum Karissu og Kristinu Shannon. Holly segir Hefner sem er 82 ára, verja mestöllum tíma sínum með tvíburunum, sem eru nítján ára.

„Þær eru mjög skemmtilegar. Ég myndi aldrei reyna að velja nýja kærustu handa Hef en mér finnst hann eiga að bíða svolítið og kynnast einhverri, sem hann gerir auðvitað aldrei.” Þá segist hún telja tvíburana helst til ungar til að standa undir allri þeirri athygli sem fylgi því að vera kærasta Hefners. 

Önnur fyrrum kærasta Hefners, Kendra Wilkinson sem enn býr á heimili hans, segir að erfitt verði fyrir hann að finna aðra eins samsetningu af kærustum og hann hafi átt undanfarin ár.„Hef verður alltaf Hef. Það er ekki hægt að breyta honum. Hann mun halda áfram að elska konur, stór brjóst og ljóst hár. Það er hins vegar sjaldgæft að finna annan eins hóp og Holly, Bridget og mig. Ég held þær gerist hreinlega ekki betri.

Þriðja aðalkærasta Hefners á síðustu árum, Bridget Marquardt, er enn í sambúð með Hugh.

• 2 blogg um fréttina

Bloggað um fréttina

• Hvíti Riddarinn: Ég verð að skrifa um þessa frétt!!!!
• Frikkinn: Hasakroppar í Playboy