Powell söng með hipp-hopp sveit

Colin Powell, fyrrum utanríkisráðherra Bandaríkjanna, sýndi gestum í  Royal Albert Hall í Lundúnum í gærkvöldi að honum er ýmislegt til lista lagt en þá söng hann og dansaði með nígerísku hipp-hopp sveitinni Olu Maintain.

Dagskráin var hluti af hátíðinni Africa Rising í borginni þar sem athygli er vakin á afrískri menningu.

Powell, sem var utanríkisráðherra á árunum 2001-2005, flutti einnig ávarp þar sem hann sagði m.a. að Afríka gæti blómstrað líkt og Asía og Austur-Evrópa ef fólk þar legði hart að sér og hægt yrði að laða þangað erlenda fjárfestingu. 

• 1 blogg um fréttina

Bloggað um fréttina

• Karl Jónsson: Má ég þá frekar biðja um Jeltsin!!