Viðskiptaráðherra í Monitor

Björgvin G. Sigurðsson viðskiptaráðherra ætlar að taka pusið í hnakkann í næsta tölublaði lífsstíls- og tónlistarblaðsins Monitor. Þar svarar hann spurningum lesenda í liðnum Satt&Logið og hægt er að senda á hann spurningar í gegnum heimasíðu tímaritsins.

Björgvin mætti einmitt í dægurmálaútvarp Rásar 2 síðastliðinn fimmtudag í beina útsendingu til þess að svara spurningum almennings. Þar lenti hann í einum afar reiðum hlustanda er spurði hvort stjórnvöld bæru ekki ábyrgð á ástandinu og hvort almenningur gæti þá treyst sömu mönnum til þess að leysa vandann. Björgvin komst varla að fyrir svívirðingum hlustandans en hélt ró sinni. Í þetta skiptið getur hann prísað sig sælan fyrir að fá spurningarnar sendar í tölvupósti.