Nýja Bond-myndin frumsýnd

Nýja kvik­mynd­in um James Bond, sem nefn­ist A Quant­um of Solace, var frum­sýnd í Lund­ún­um í kvöld. Mynd­in hef­ur fengið mis­jafna dóma en hún þykir of­beld­is­fyllri en fyrri mynd­ir um njósn­ara henn­ar há­tign­ar og hún er einnig styttri.

Aðalleik­ar­arn­ir í mynd­inni mættu til frum­sýn­ing­ar­inn­ar í Odeon kvik­mynda­hús­inu á Leicester Square í kvöld. Nokk­ur hundruð manns biðu utan við kvik­mynda­húsið í þeirri von að sjá þeim  Daniel Craig, Judi Dench, Olgu Kury­len­ko og Gem­mu Art­ert­on en þau leika aðal­hlut­verk­in í mynd­inni.

Þetta er 22. kvik­mynd­in, sem gerð er um James Bond og önn­ur mynd­in þar sem Craig leik­ur njósn­ara henn­ar há­tign­ar. Mynd­in var m.a. tek­in í Panama, Chile, Mexí­kó, Aust­ur­ríki og á Ítal­íu. Mynd­in tek­ur við þar sem síðustu Bond-mynd­inni, Casino Royale, lauk.

Craig lék sjálf­ur í mörg­um áhættu­atriðum í mynd­inni. Hann slasaðist á hægri hand­legg og er nú með hann í fatla eft­ir aðgerð, sem hann gekkst und­ir. Þá missti hann fram­an af fingri og sauma þurfti átta spor í and­lit hans eft­ir bar­daga­atriði.

Nafnið á mynd­inni er tekið úr smá­sagna­safn­inu For Your Eyes Only, sem kom út í Bretlandi árið 1960.  

A Quant­um of Solace verður tek­in til al­mennra sýn­inga í Bretlandi og Írlandi á föstu­dag.

• 1 blogg um frétt­ina

Bloggað um frétt­ina

• Birg­ir Þór Braga­son: Mynd sem ...