Brúðguminn með fjórtán tilnefningar

Brúðguminn, kvikmynd Baltasar Kormáks, er tilnefnd til 14 verðlauna á Edduverðlaununum í ár, þar með talið í flokknum „Kvikmynd ársins“. Verðlaunin verða afhent í Háskólabíó sunnudagskvöldið 16. nóvember.

Þannig eru kvikmyndirnar Brumguminn, Reykjavík-Rotterdam og Sveitabrúðkaup hljóta tilnefningu í flokknum „Kvikmynd ársins“. Stuttmyndirnar Harmsaga, Hnappurinn og Smáfuglar eru hins vegar tilefndar í flokki stuttmynda. 

Af öðrum flokkum má nefna að sjónvarpsþættirnir Dagvaktin, Latibær, Mannaveiðar, Pressa og Svartir englar eru tilnefndir í flokknum "Leikið sjónvarpsefni ársins".

Tilnefndar í flokknum „Leikkona ársins í aðalhlutverki“ eru þær Didda Jónsdóttir (Skrapp út), Margrét Vilhjálmsdóttir (Brúðguminn) og Sólveig Arnardóttir (Svartir englar).

„Leikarar ársins“ eru tilnefndir þeir Baltasar Kormákur (Reykjavík-Rotterdam), Hilmir Snær Guðnason (Brúðguminn) og Pétur Einarsson (Konfektkassinn).

Í flokknum „Leikkona ársins í aukahlutverki“ eru tilnefndar þær Hanna María Karlsdóttir (Sveitabrúðkaup), Ilmur Kristjánsdóttir (Brúðguminn) og Ólafía Hrönn Jónsdóttir (Brúðguminn).

Leikari ársins í aukahlutverki eru tilnefndir þeir Jóhann Sigurðarson, Ólafur Darri Ólafsson og Þröstur Leó Gunnarsson, allir fyrir leik í Brúðgumanum.

Baltasar Kormákur og Þröstur Leó Gunnarsson í myndinni Reykjavík-Rotterdam. mbl.is

• 3 blogg um fréttina

Bloggað um fréttina

• Sigurbrandur Jakobsson: Mynd tekin upp í fegurð Breiðafjarðareyja.
• Stefán Friðrik Stefánsson: Brúðguminn drottnar yfir Edduverðlaununum
• Eyrún Huld Haraldsdóttir: Í upphafi skal endinn skoða