„Heitustu“ Hollywood-mömmurnar

Hin „fróma“ fréttastofa Fox News tók á dögunum saman lista yfir „heitustu“ mömmurnar í Hollywood og ef litið er yfir listann má svo sem segja að þar hitti fréttastofan – kannski í fyrsta skipti – naglann á höfuðið.

Það kemur líklega engum á óvart að Angelina Jolie og Halle Berry eru báðar á listanum en þær ólu hvor um sig barn á árinu. Báðar þykja þær geta sinnt frægðarhlutverkinu og móðurhlutverkinu með miklum glans án þess að niður komi á öðru hvoru starfinu.

Á toppnum situr hins vegar sjónvarpskona sem er okkur Íslendingum af litlu kunn. Heitir hún Kelly Ripa og á þrjú börn með eiginmanni sínum Mark Consuelos – eins og áður sagði er listinnn gerður af bandarískri fréttaveitu sem hefur ekki beint deilt fréttamati með okkur Evrópubúum.

Aðrar nafntogaðar mæður sem komust á listann eru Demi Moore sem á þrjú börn með fyrrverandi eiginmanni sínum Bruce Willis. Demi sem er 45 ára gömul er elsta mamman á listanum. Isla Fisher eiginkona Sacha Baron Cohen nær áttunda sætinu og Nicole Richie, sem ól kærasta sínum Joel Madden dótturina Harlow, er í því níunda.

Heitustu Hollywood-mömmurnar

1. Kelly Ripa

2. Halle Berry

3. Faith Hill

4. Jessica Alba

5. Demi Moore

6. Cindy Crawford

7. Heidi Klum

8. Isla Fisher

9. Nicole Ritchie

10. Gwen Stefani

11. Angelina Jolie