Góðir gestir á tónleikum Madonnu

Britney Spears og Justin Timberlake munu koma fram á tónleikum Madonnu í Los Angeles í kvöld. Staðfesti útvarpsmaðurinn Ryan Seacrest þetta í þætti sínum í gær.

„Ég get ekki beðið með að segja ykkur þetta. Ef Justin og Britney enda uppi á sviði með Madonnu þá veit ég ekki hvort ég eigi nokkurn tíma eftir að sjá annað eins." Hann bætti við að hann myndi koma með nánari upplýsingar í þætti sínum í dag og þær myndu koma þægilega á óvart.

Ef útvarpsmaðurinn reynist hafa rétt fyrir sér þá yrði það í fyrsta skipti sem Spears og Timberlake kæmu fram saman síðan þau hættu saman árið 2002.

• 1 blogg um fréttina

Bloggað um fréttina

• Halldór Jóhannsson: Ekki...