Stjörnufans í Liverpool

Skærustu stjörnur tónlistarheimsins eru nú staddar í Bítlaborginni Liverpool þar sem evrópska MTV-verðlaunahátíðin fer nú fram. 

Stjörnur á borð við  Beyonce og bresku „stráka“sveitina Take That hafa gengið á rauða dreglinum í kvöld. Þá eru Coldplay, Duffy, Britney Spears og Leona Lewis á meðal þeirra hljómsveita og listamanna sem eru tilnefndir til flestra verðlauna í kvöld, eða til þrennra verðlauna hver.

Fyrrum Bítillinn Paul McCartney verður heiðraður í kvöld, sem hin eina sanna goðsögn poppheimsins. Það er enginn annar er söngvari U2, Írinn Bono, sem mun afhenda verðlaunin.

Meðal þeirra listamanna sem munu spila fyrir áhorfendur eru The Wombats, Pink, Duffy, Kanye West, Estelle og Take That.