Hugh Jackman kynþokkafyllstur

Kvikmyndaleikarinn Hugh Jackman hefur verið valinn kynþokkafyllstur karla í heiminum. Jackman, sem er Ástrali, fagnaði fertugsafmæli sínu 12. október síðastliðin. X-Men stjarnan gerir nú víðreist að kynna mynd sína Australia.

Ástæðan fyrir valinu ku vera fjölhæfni Jackmans sem leikara og glæsilegur vöxtur hans. Jackman er 40 ára og að sögn löndu hans Nicole Kidman fær hann kvenfólk til að stama „Guð minn góður“ þegar hann nálgast.

Á eftir Jackman á listanum þetta árið er James Bond-leikarinn Daniel Craig, Jon Hamm, úr sjónvarpsþáttunum Mad Men, er sá þriðji, ungstirnið Zac Efron fjórði og Robert Buckley úr Lipstick Jungle fimmti.

Fótboltamaðurinn David Beckham, leikararnir Javier Bardem, Robert Pattinson og Joshua Jackson og sundkappinn Michael Phelps komust líka allir á listann.

Nicole Kidman og Hugh Jackman í kvikmyndinni Australia. Konur eru sagðar fá í hnén þegar hann birtist á skjánum. AP

• 2 blogg um fréttina

Bloggað um fréttina

• Yngvi Högnason: "Oh my God".
• Kristín M. Jóhannsdóttir: Sá hann úti á götu um daginn