Íþróttaálfurinn lét Jackie Chan finna fyrir því

Leik­ar­inn og bar­dagalistamaður­inn Jackie Chan fjall­ar um sam­starf sitt við Magnús Scheving á heimasíðu sinni, en sem kunn­ugt er leik­ur Magnús ill­mennið í nýj­ustu kvik­mynd Chans, The Spy Next Door, en tök­ur fara fram í Al­buqu­erque í Banda­ríkj­un­um.

Chan seg­ist hafa haft sín­ar efa­semd­ir um það hvort Magnús gæti leikið í bar­daga­atriðunum í mynd­inni. Þeir sem þekkja til kvik­mynda Chans vita að hann gef­ur ekk­ert eft­ir þegar kem­ur að áhættu­atriðum og slags­mála­sen­um, þrátt fyr­ir að kapp­inn sé kom­inn vel á sex­tugs­ald­ur­inn.

„Hann var hins veg­ar dug­leg­ur og stóð sig vel. Takt­ur­inn var að sjálf­sögðu ekki sá sami og hjá liðinu okk­ar, en hann var hins veg­ar reiðubú­inn að prófa allt - jafn­vel stóru áhættu­atriðin. Hann treysti mér. Hann meiddi mig reynd­ar óvart nokkr­um sinn­um, en ég lét hann ekki vita af því vegna þess að þá hefði hann bara orðið óró­leg­ur. Þannig að ef ég meidd­ist þá sagði ég: „Höld­um áfram“ og ég sagði hon­um ekki frá því að það væru ein­hver vanda­mál,“ skrif­ar Chan.

Heimasíða Jackie Chan.

Magnús Scheving. mbl.is/Á​sdís

• 3 blogg um frétt­ina

Bloggað um frétt­ina

• Stein­grím­ur Ingi Stef­áns­son: Íþrótta­álf­ur og Íll­menni
• Berg­ur Thor­berg: Ill­mennið er Íslend­ing­ur
• Bald­vin Jóns­son: Merki­leg fyr­ir­sögn hérna...