Ekkert kynlíf í Ameríku

Chris Martin, söngvari bresku hljómsveitarinnar Coldplay, segir að það eina sem hann geti ekki fengið í Bandaríkjunum sé kynlíf. Coldplay hefur verið á tónleikaferðalagi um Bandaríkin að undanförnu, og Martin segist hafa notið ferðarinnar mjög. Þegar hann var spurður að því í viðtali hvort það væri eitthvað sem hann gæti fengið í heimalandinu, en ekki í Bandaríkjunum, svaraði hann því til að kynlíf væri líklega það eina. Eiginkona Martins er bandaríska leikkonan Gwyneth Paltrow, en hún er oftast heima í Bretlandi á meðan Martin er á tónleikaferðalögum. Söngvarinn segir því að líf poppstjörnunnar geti á köflum orðið ansi einmanalegt.