Engar breytingar á American Idol þrátt fyrir dauðsfall

Simon Cowell segir að dómararnir í þættinum American Idol muni halda áfram að gagnrýna keppendur þrátt fyrir að einn þátttakenda hafi framið sjálfsvíg, að því er talið er.

Hann segir að það hafi haft mikil áhrif á sig þegar Paula Goodspeed, sem Cowell gerði gys að þegar hún tók lagið fyrir dómnefndina, lét lífið. Hann segir að þetta hafi verið svipað því og verða fyrir lest.

„Það sem gerðist var hræðilegt,“ sagði hann við blaðamenn. „Það sem ég sé eftir er það að við vissum ekki hvað þessi einstaklingur átti erfitt.“

Cowell segist hins vegar hafa íhugað málin vel og lengi og komist að þeirri niðurstöðu að breyta ekki uppsetningu þáttarins, að því er segir á fréttavef BBC.

Hann segir að þeir sem vilji komast í þáttinn skilji það að dómararnir segi hreint út hvað þeim finnst.

„Við reynum að hafa húmor. Það er ekki tilgangur þáttarins að vera illgjarn,“ segir Cowell og bætir við. „Þátturinn gengur út á ameríska drauminn þar sem tilgangurinn er að finna einhvern sem, eftir að hafa gengið í gegnum allt ferlið, verður að stjörnu.“

• 5 blogg um fréttina

Bloggað um fréttina

• Jóna Kolbrún Garðarsdóttir: Af hverju á að breyta einhverju sem er að virka?
• Ómar Ragnarsson: J.R. tónlistarþáttanna.
• Stefán Friðrik Stefánsson: Hrokafulli dómarinn
• Gunnar Th. Gunnarsson: Hér er myndbandið af fröken Goodspeed
• Mofi: Draumar sem drepa