MP3 spilarinn bjargaði

Tveir franskir skíðamenn í svissnesku ölpunum eiga MP3 spilaranum sínum að þakka, að þeir fundust í nótt eftir að hafa villst. Björgunarmenn komu auga á ljósið frá spilaranum þegar þeir leituðu mannanna tveggja.

Neyðarkall kom frá skíðamönnunum seint í gær en áður en náðist í þá kláraðist batteríið í símanum þeirra. Þyrluáhöfn fann svo mennina í bröttu skógarlendi laust eftir miðnætti í nótt eftir að hún kom auga á ljósið frá stafræna spilastokknum sem mennirnir höfðu meðferðis.

Mennirnir ofkældust einungis lítillega þrátt fyrir að hafa þurft að bíða í um 15 stiga frosti.

• 1 blogg um fréttina

Bloggað um fréttina

• Frikkinn: Stundum .......................................