Lennon auglýsir fartölvur

Með aðstoð sta­f­rænn­ar tækni hef­ur nýju lífi verið blásið í minn­ingu Johns Lennons í nýrri aug­lýs­inga­her­ferð banda­rískra góðgerðarsam­taka sem kalla sig Ein far­tölva fyr­ir hvert barn. Þetta kem­ur fram á vef BBC.

 Góðgerðarsam­tök­in ætla sér að koma tölv­um sem ganga fyr­ir sólarraf­hlöðum til fá­tæk­ustu barna heims­ins. 

„Ímyndið ykk­ur ef öll börn, hvar sem þau eru stödd í heim­in­um, geti fengið aðgang að alþjóðlegri þekk­ingu,“ sýn­ist Lennon segja í aug­lýs­ing­unni. „Þau fá þá tæki­færi til að læra, til að láta sig dreyma og ná öll­um sín­um mark­miðum. Ég reyndi að gera það með tón­list­inni minni, en nú er hægt að gera það með allt öðrum aðferðum.“

Ekkja Lennons,  Yoko Ono, hef­ur gefið samþykki sitt fyr­ir aug­lýs­ing­un­um sem sjá má m.a. á YouTu­be. Aug­lýs­ing­arn­ar eru inn­blásn­ar af texta lags­ins Imag­ine.

• 1 blogg um frétt­ina

Bloggað um frétt­ina

• Villi As­geirs­son: Welcome to Your World...